ಕೈಗೆಟುಕದ ಆ ಚಂದಿರನೇ ಬೇಕೆನಗೆ
ನೀವೆಂದಿರಿ ಹುಚ್ಚು ಹಠ ಈ ಹೆಣ್ಣಿಗೆ ಎಂದು
ನಾನೆಂದೆ ಹುಚ್ಚು ಪ್ರೀತಿ ಎಂದು
ನೀವೆಂದಿರಿ ಬಿಟ್ಟು ಬಿಡು ಈ ಹಠತನವ
ನೀನು ಇಲ್ಲಿಯೇ ನಿಂತುಕೊಂಡು ಆಸೆ ಕಂಗಳಿಂದ
ನೋಡುತ್ತಿರು ಕಾಯುತ್ತಿರು
ಅವನ ದೃಷ್ಟಿ ಮಾತ್ರ ತಾರೆಯರ ದಂಡಿನ ಮೇಲೆ
ಹೊರತು ನಿನ್ನತ್ತ ಹೊರಳುತ್ತಿಲ್ಲವಲ್ಲ??!!
ಕಾಣಲಿಲ್ಲವೇ ನೀವು ಅವನ ಚಲನೆ ನಾ ಹೋದ ಕಡೆ
ನಿಲ್ಲುವನು ನಾ ನಿಂತ ಕಡೆ
ಸಾಕಲ್ಲವೇ ಅವನಿಗೂ ನನ್ನ ಮೇಲಿನ ಪ್ರೀತಿಯ ಪ್ರಮಾಣ
ಏ ಪೆದ್ದು ಹುಡುಗಿಯೇ… ನೆನಪಿಟ್ಟುಕೋ
ಅಮವಾಸ್ಯೆ ಬರುವುದೆಂದು
ನಿನ್ನ ಚಂದಿರ ಎಲ್ಲಿ ಅಡಗಿಹನು ಈ ದಿನದಂದು??!!
ನಿಮಗೆ ಅಮವಾಸ್ಯೆ ಮಾತ್ರ ಕಂಡಿದ್ದೇಕೆ??
ತಿಂಗಳ ಬೆಳಕಿಲ್ಲವೇ??
ಬರುವನಿ ನನಗಾಗಿ ಆ ದಿನ
ಮೈಯಲ್ಲಾ ಬೆಳ್ಳಿ ಬೆಳಕ ಚೆಲ್ಲಿ….
ಆಲೇಖ್ಯ 